Служба вечера святой пятидесятницы. Почему на Троицу мы молимся на коленях? Что такое Крестный ход и когда он бывает

УТРЕНЯ

С лава в вышних Богу, и на земли мир, в человецех благоволение. (3 раза) .

Г осподи, устне мои отверзеши, и уста моя возвестят хвалу Твою. (2 раза) .

Псалом 3

Господи, что ся умножиша стужающии ми? Мнози востают на мя, мнози глаголют души моей: несть спасения eму в Бозе eго. Ты же, Господи, Заступник мой еси, слава моя и возносяй главу мою. Гласом моим ко Господу воззвах, и услыша мя от горы святыя Своея. Аз уснух, и спах, востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, яко Ты поразил еси вся враждующыя ми всуе: зубы грешников сокрушил еси. Господне есть спасение, и на людех Твоих благословение Твое.

Аз уснух, и спах, востах, яко Господь заступит мя.

Псалом 37

Господи, да не яростию Твоею обличиши мене, ниже гневом Твоим накажеши мене. Яко стрелы Твоя унзоша во мне, и утвердил еси на мне руку Твою. Несть исцеления в плоти моей от лица гнева Твоего, несть мира в костех моих от лица грех моих. Яко беззакония моя превзыдоша главу мою, яко бремя тяжкое отяготеша на мне. Возсмердеша и согниша раны моя от лица безумия моего. Пострадах и слякохся до конца, весь день сетуя хождах. Яко лядвия моя наполнишася поруганий, и несть исцеления в плоти моей. Озлоблен бых и смирихся до зела, рыках от воздыхания сердца моего. Господи, пред Тобою все желание мое и воздыхание мое от Тебе не утаися. Сердце мое смятеся, остави мя сила моя, и свет очию моею, и той несть со мною. Друзи мои и искреннии мои прямо мне приближишася и сташа, и ближнии мои отдалече мене сташа и нуждахуся ищущии душу мою, и ищущии злая мне глаголаху суетная и льстивным весь день поучахуся. Аз же яко глух не слышах и яко нем не отверзаяй уст своих. И бых яко человек не слышай и не имый во устех своих обличения. Яко на Тя, Господи, уповах, Ты услышиши, Господи Боже мой. Яко рех: да не когда порадуют ми ся врази мои: и внегда подвижатися ногам моим, на мя велеречеваша. Яко аз на раны готов, и болезнь моя предо мною есть выну. Яко беззаконие мое аз возвещу и попекуся о гресе моем. Врази же мои живут и укрепишася паче мене, и умножишася ненавидящии мя без правды. Воздающии ми злая возблагая оболгаху мя, зане гонях благостыню. Не остави мене, Господи Боже мой, не отступи от мене. Вонми в помощь мою, Господи спасения моего.

Не остави мене, Господи Боже мой, не отступи от мене. Вонми в помощь мою, Господи спасения моего.

Псалом 62

Боже, Боже мой, к Тебе утренюю, возжада Тебе душа моя, коль множицею Тебе плоть моя, в земли пусте и непроходне, и безводне. Тако во святем явихся Тебе, видети силу Твою и славу Твою. Яко лучши милость Твоя паче живот, устне мои похвалите Тя. Тако благословлю Тя в животе моем, о имени Твоем воздежу руце мои. Яко от тука и масти да исполнится душа моя, и устнама радости восхвалят Тя уста моя. Аще поминах Тя на постели моей, на утренних поучахся в Тя. Яко был еси Помощник мой, и в крове крилу Твоею возрадуюся. Прильпе душа моя по Тебе, мене же прият десница Твоя. Тии же всуе искаша душу мою, внидут в преисподняя земли, предадятся в руки оружия, части лисовом будут. Царь же возвеселится о Бозе, похвалится всяк кленыйся Им, яко заградишася уста глаголющих неправедная.

На утренних поучахся в Тя. Яко был еси Помощник мой, и в крове крилу Твоею возрадуюся. Прильпе душа моя по Тебе, мене же прият десница Твоя.

Слава: и Ныне:

(3 раза) .

Господи помилуй (3 раза) .

Слава: и Ныне:

По прочтении трех псалмов иерей, выйдя из алтаря и совершив перед закрытыми царскими вратами поклон, с непокрытой головой, в епитрахили, напоминая небесного Ходатая за нас перед Богом, читает про себя (тайно) 12 утренних молитв за себя и всех верующих в Господа.

Молитвы утренние

Молитва 1

Благодарим Тя, Господи Боже наш, возставившаго нас от ложей наших, и вложившаго во уста наша слово хваления, еже покланятися, и призывати имя Твое святое, и молимся Твоим щедротам, ихже всегда употреблял еси о нашей жизни. И ныне посли помощь Твою на предстоящия пред лицем святыя славы Твоея, и ожидающия от Тебе богатыя милости, и даждь им, со страхом и любовию всегда Тебе служащим, хвалити неисповедимую Твою благость.

Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков. Аминь.

Молитва 2

От нощи утренюет дух наш к Тебе, Боже наш, зане свет повеления Твоя на земли. Правду и святыню совершати во страсе Твоем вразуми ны: Тебе бо славим, воистинну сущаго Бога нашего. Приклони ухо Твое и услыши ны, и помяни, Господи, сущия и молящияся с нами вся по имени, и спаси я силою Твоею, благослови люди Твоя и освяти достояние Твое. Мир мирови Твоему даруй, церквам Твоим, священником и всем людем Твоим.

Яко благословися и прославися всечестное и великолепое имя твое, Отца, и Сына, и Святаго Духа, ныне и присно, и во веки веков. Аминь.

Молитва 3

От нощи утренюет дух наш к Тебе, Боже, зане свет повеления Твоя. Научи нас, Боже, правде Твоей, заповедем Твоим и оправданием Твоим. Просвети очи мыслей наших, да не когда уснем во гресех в смерть. Отжени всякий мрак от сердец наших. Даруй нам солнце правды, и ненаветну жизнь нашу соблюди печатию Святаго Твоего Духа. Исправи стопы наша на путь мира. Даждь нам видети утро и день в радовании, да Тебе утренния возсылаем молитвы.

Яко Твоя держава, и Твое есть Царство, и сила и слава, Отца, и Сына, и Святаго Духа, ныне и присно, и во веки веков. Аминь.

Молитва 4

Владыко Боже, святый и непостижимый, рекий из тьмы свету возсияти, упокоивый нас в нощнем сне и возставивый к славословию и мольбе Твоея благости. Умоляемь от Своего Ти благоутробия, приими нас и ныне покланяющихся Тебе и по силе благодарящих Тя, и даруй нам вся, яже ко спасению, прошения. Покажи ны сыны света и дне и наследники вечных Твоих благ. Помяни, Господи, во множестве щедрот Твоих и вся люди Твоя, сущия и молящияся с нами, и всю братию нашу, яже на земли, на мори, на всяком месте владычествия Твоего, требующих Твоего человеколюбия и помощи, и всем подай великую Твою милость. Да спасени душею же и телом всегда пребывающе, со дерзновением славим чудное и благословенное имя Твое – Отца, и Сына, и Святаго Духа, ныне и присно, и во веки веков. Аминь.

Яко Бог милости, щедрот и человеколюбия еси, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

Молитва 5

Благих сокровище, источниче приснотекущий, Отче святый, чудотворче, всесильне и Вседержителю, вси Тебе покланяемся и Тебе молимся Твоя милости, и Твоя щедроты призывающе на помощь и заступление нашего смирения. Помяни, Господи, Твоя рабы, приими всех нас утренняя моления, яко кадило пред Тобою, и да ни единаго от нас неискусна сотвориши, но вся ны снабди щедротами Твоими. Помяни, Господи, бдящия и поющия во славу Твою, и единороднаго Твоего Сына и Бога нашего, и Святаго Твоего Духа; буди тем помощник и заступник, приими их мольбы в пренебесный и мысленный Твой жертвенник.

Молитва 6

Благодарим Тя, Господи Боже спасений наших, яко вся твориши во благодетельство жизни нашея, да всегда к Тебе взираем Спасу и благодетелю душ наших. Яко препокоил еси нас в мимошедшее нощи число и воздвигл еси ны от лож наших, и поставил еси в поклонение честнаго имене Твоего. Темже молим Тя, Господи, даждь нам благодать и силу, да сподобимся пети Тебе разумно и молитися непрестанно, во страсе и трепете свое спасение соделовающе заступлением Христа Твоего. Помяни, Господи, и в нощи к Тебе вопиющия, услыши я и помилуй, и сокруши под нозе их невидимыя и борительныя враги.

Ты бо еси Царь мира, и Спас душ наших, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

Молитва 7

Боже и Отче Господа нашего Иисуса Христа, возставивый ны от ложей наших и собравый ны в час молитвы, даждь нам благодать во отверзение уст наших, и приими наша по силе благодарения, и научи ны оправданием Твоим: зане помолитися, якоже подобает, не вемы, аще не Ты, Господи, Святым Твоим Духом наставиши ны. Темже молимся Тебе, аще что согрешихом даже до настоящаго часа, словом, или делом, или помышлением, волею или неволею, ослаби, остави, прости; аще бо беззакония назриши, Господи, Господи, кто постоит, яко у Тебе избавление есть. Ты еси един святый, помощник державный, защититель жизни нашея, и о Тебе пение наше всегда.

Буди держава Царствия Твоего благословена и препрославлена, Отца, и Сына, и Святаго Духа, ныне и присно, и во веки веков. Аминь.

Молитва 8

Господи Боже наш, сонное уныние отгнавый от нас и сопризвавый ны званием святым, еже и в нощи воздевати руки наша и исповедатися Тебе о судьбах правды Твоея. Приими мольбы наша, моления, исповедания, нощныя службы, и даруй нам, Боже, веру непостыдну, надежду известну, любовь нелицемерну, благослови наша входы и исходы, деяния, дела, словеса, помышления, и даждь нам постигнути в начало дне, хвалящим, поющим, благословящим Твоея неизреченныя благостыни благость.

Яко благословися всесвятое имя Твое, и прославися Царство Твое, Отца, и Сына, и Святаго Духа, ныне и присно, и во веки веков. Аминь.

Молитва 9, [перед чтением Евангелия]

Возсияй в сердцах наших, человеколюбче Владыко, Твоего богоразумия нетленный свет, и мысленныя наша отверзи очи во евангельских Твоих проповеданий разумение. Вложи в нас и блаженных Твоих заповедей страх, да плотския похоти вся поправше, духовное жительство пройдем, вся яже ко благоугождению Твоему и мудрствующе и деюще.

Ты бо еси освящение и просвещение душ и телес наших, Христе Боже, и Тебе славу возсылаем, со безначальным Твоим Отцем и всесвятым и благим и животворящим Твоим Духом, ныне и присно, и во веки веков. Аминь.

Молитва 10, [после чтения 50 псалма]

Господи Боже наш, покаянием оставление человеком даровавый, и во образ нам познания грехов и исповедания, пророка Давида покаяние к прощению показавый, Сам Владыко, во многая ны и великая падшия согрешения, помилуй по велицей милости Твоей, и по множеству щедрот Твоих очисти беззакония наша, яко Тебе согрешихом, Господи, и безвестная и тайная сердца человеческаго ведущему, и единому имущему власть оставляти грехи. Сердце же чисто создав в нас, и Духом Владычним утвердив нас, и радость спасения Твоего сказав нам, не отрини нас от лица Твоего, но благоволи, яко благ и человеколюбец, даже до последняго нашего издыхания, приносити Тебе жертву правды и возношение во святых Твоих жертвенницех.

Милостию, и щедротами, и человеколюбием единороднаго Твоего Сына, с нимже благословен еси, со всесвятым, и благим, и животворящим Твоим Духом, ныне и присно, и во веки веков. Аминь.

Молитва 11, [перед Хвалитными псалмами]

Боже, Боже наш, умныя и словесныя составивый Силы Твоею волею, Тя молим и Тебе мили деемся: приими наше по силе славословие, со всеми создании Твоими, и богатыми Твоея благости воздаждь дарованьми. Яко Тебе преклоняется всякое колено небесных, и земных, и преисподних, и всякое дыхание и создание поет непостижимую Твою славу: един бо еси Бог истинный и многомилостивый.

Яко Тя хвалят вся Силы Небесныя, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

Молитва 12, [перед отпустом]

Хвалим, поем, благословим и благодарим Тя, Боже отец наших, яко превел еси сень нощную, и показал еси нам паки свет дневный. Но молим Твою благость, очисти грехи наша и приими моление наше великим Твоим благоутробием, яко к Тебе прибегаем милостивому и всесильному Богу. Возсияй в сердцах наших истинное солнце правды Твоея, просвети ум наш, и чувства вся соблюди, да яко во дни благообразно ходяще путем заповедей Твоих, достигнем в жизнь вечную, яко у Тебе есть источник жизни, и в наслаждении быти сподобимся неприступнаго Твоего света.

Яко Ты еси Бог наш, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

Псалом 87

Господи Боже спасения моего, во дни воззвах, и в нощи пред Тобою. Да внидет пред Тя молитва моя: приклони ухо Твое к молению моему, яко исполнися зол душа моя, и живот мой аду приближися. Привменен бых с низходящими в ров, бых яко человек без помощи, в мертвых свободь, яко язвеннии спящии во гробе, ихже не помянул еси ктому, и тии от руки Твоея отриновени быша. Положиша мя в рове преисподнем, в темных и сени смертней. На мне утвердися ярость Твоя, и вся волны Твоя навел еси на мя. Удалил еси знаемых моих от мене, положиша мя мерзость себе: предан бых и не исхождах. Очи мои изнемогосте от нищеты, воззвах к Тебе, Господи, весь день, воздех к Тебе руце мои. Еда мертвыми твориши чудеса? Или врачеве воскресят, и исповедятся Тебе? Еда повесть кто во гробе милость Твою, и истину Твою в погибели? Еда познана будут во тьме чудеса Твоя, и правда Твоя в земли забвенней? И аз к Тебе, Господи, воззвах и утро молитва моя предварит Тя. Вскую, Господи, отрееши душу мою, отвращаеши лице Твое от мене? Нищ есмь аз, и в трудех от юности моея; вознес же ся, смирихся, и изнемогох. На мне преидоша гневи Твои, устрашения Твоя возмутиша мя, обыдоша мя яко вода, весь день одержаша мя вкупе. Удалил еси от мене друга и искренняго, и знаемых моих от страстей.

Господи Боже спасения моего, во дни воззвах, и в нощи пред Тобою. Да внидет пред Тя молитва моя: приклони ухо Твое к молению моему.

Псалом 102

Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашым сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боящихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко Той позна создание наше, помяну, яко персть есмы. Человек, яко трава дние eго, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся Силы Его, слуги Его, творящии волю Его. Благословите Господа вся дела Его, на всяком месте владычества Его, благослови, душе моя, Господа.

На всяком месте владычества Его, благослови, душе моя, Господа.

Псалом 142

Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.

Услыши мя, Господи, в правде Твоей и не вниди в суд с рабом Твоим. Услыши мя, Господи, в правде Твоей и не вниди в суд с рабом Твоим. Дух Твой Благий наставит мя на землю праву.

По окончании шестопсалмия и молитв иерей и диакон творят поклон пред святыми вратами и кланяются друг другу.

Слава: и Ныне:

Аллилуиа, аллилуиа, аллилуиа, слава Тебе Боже. (3 раза) .

Ектения великая

Диакон: Миром Господу помолимся.

Хор: Господи, помилуй. (На каждое прошение)

О свышнем мире и спасении душ наших, Господу помолимся.

О мире всего мира, благостоянии святых Божиих церквей и соединении всех, Господу помолимся.

О святем храме сем и с верою, благоговением и страхом Божиим входящих в онь, Господу помолимся.

О Великом Господине и отце нашем, Святейшем Патриархе (имярек) , и о господине нашем преосвященнейшем митрополите (или архиепископе, или епископе) (имярек), честнем пресвитерстве, во Христе диаконстве, о всем причте и людех, Господу помолимся.

О Богохранимей стране нашей, властех и воинстве ея, Господу помолимся.

О граде сем (или о веси сей, или о святей обители сей) , всяком граде, стране, и верою живущих в них, Господу помолимся.

О благорастворении воздухов, о изобилии плодов земных, и временех мирных, Господу помолимся.

О плавающих, путешествующих, недугующих, страждущих, плененных и о спасении их, Господу помолимся.

О избавитися нам от всякия скорби, гнева и нужды, Господу помолимся.

З

П

Хор: Тебе, Господи.

Иерей: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.

Хор: Аминь.

«Бог – Господь» на глас тропаря дня

Хор: Бог Господь и явися нам, благословен Грядый во имя Господне. (И далее, на каждый стих)

Стих 1: Исповедайтеся Господеви, яко благ, яко в век милость Его.

Стих 2: Обышедше обыдоша мя и именем Господним противляхся им.

Стих 3: Не умру, но жив буду и повем дела Господня.

Стих 4: Камень, Егоже небрегоша зиждущии, Сей бысть во главу угла, от Господа бысть Сей и есть дивен во очесех наших.

Тропарь дня (дважды)

Богородичен

Читаются кафизмы

Ектения малая после первой кафизмы

Диакон:

Хор: Господи, помилуй. (На каждое прошение)

З аступи, спаси, помилуй и сохрани нас, Боже, Твоею благодатию.

П ресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Иерей: Яко Твоя держава и Твое есть Царство, и сила, и слава, Отца, и Сына, и Святаго Духа, ныне и присно, и во веки веков.

Хор: Аминь.

Ектения малая после второй кафизмы та же, что и после первой кафизмы

Иерей: Яко благ и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Седальны.

Полиелей.

Если воскресенье, Господский, или Богородичный праздник, или праздник святого с великим славословием:

Псалом 134

Х валите имя Господне, хвалите, раби Господа.

А ллилуиа. (3 раза после каждого стиха)

Б лагословен Господь от Сиона, живый во Иерусалиме.

Псалом 135

И споведайтеся Господеви, яко Благ, яко в век милость Его.

И споведайтеся Богу Небесному, яко в век милость Его.

[В неделю о Блудном сыне, или Мясопустную, или Сыропустную, поётся третий псалом:

Псалом 136

Н а реках Вавилонских, тамо седохом и плакахом, внегда помянути нам Сиона.

А ллилуиа. (после каждого стиха)

Н а вербиих посреде его обесихом органы наша.

Я ко тамо вопросиша ны пленшии нас о словесех песней и ведшии нас о пении.

В оспойте нам от песней Сионских.

К ако воспоем песнь Господню на земли чуждей?

А ще забуду тебе, Иерусалиме, забвена буди десница моя.

П рильпни язык мой гортани моему, аще не помяну тебе, аще не предложу Иерусалима, яко в начале веселия моего.

П омяни, Господи, сыны Едомския, в день Иерусалимль, глаголющия: истощайте, истощайте до оснований его.

Д щи Вавилоня окаянная. Блажен иже воздаст тебе воздаяние твое, еже воздала еси нам.

Б лажен иже имет, и разбиет младенцы твоя о камень.]

Если праздник Господский, или Богородичный праздник, или праздник святого поётся величение. Поётся многократно, пока не завершится каждение всего храма, и перемежается стихами из «псалма избранного».

Тропари воскресные «по непорочных», глас 5

На каждом тропаре:

Хор: Б

А нгельский собор удивися, зря Тебе в мертвых вменившася, смертную же, Спасе, крепость разоривша, и с Собою Адама воздвигша, и от ада вся свобождша.

Б лагословен еси, Господи, научи мя оправданием Твоим.

П очто мира с милостивными слезами, о ученицы, растворяете? Блистаяйся во гробе Ангел мироносицам вещаше: видите вы гроб и уразумейте, Спас бо воскресе от гроба.

Б лагословен еси, Господи, научи мя оправданием Твоим.

З ело рано мироносицы течаху ко гробу Твоему рыдающия, но предста к ним Ангел и рече: рыдания время преста, не плачите, воскресение же апостолом рцыте.

Б лагословен еси, Господи, научи мя оправданием Твоим.

М ироносицы жены с миры пришедшия ко гробу Твоему, Спасе, рыдаху, Ангел же к ним рече, глаголя: что с мертвыми живаго помышляете? Яко Бог бо, воскресе от гроба.

Слава:

П оклонимся Отцу и Его Сынови, и Святому Духу, Святей Троице во едином существе, с Серафимы зовуще: Свят, Свят, Свят еси, Господи.

И ныне:

Ж изнодавца рождши, греха, Дево, Адама избавила еси, радость же Еве в печали место подала еси, падшия же от жизни к сей направи из Тебе воплотивыйся Бог и Человек.

А ллилуиа, Аллилуиа, Аллилуиа, слава Тебе, Боже. (3 раза) .

Диакон: Паки и паки, миром Господу помолимся.

Хор: Господи, помилуй. (На каждое прошение)

З аступи, спаси, помилуй и сохрани нас, Боже, Твоею благодатию.

П ресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Иерей: Яко благословися имя Твое и прославися Царство Твое, Отца, и Сына, и Святаго Духа, ныне и присно, и во веки веков.

Хор: Аминь.

Ипакои и седальны.

Антифон 4-го гласа

Хор: От юности моея мнози борют мя страсти, но Сам мя заступи, и спаси, Спасе мой.

Слава:

Ненавидящии Сиона, посрамитеся от Господа, яко трава бо огнем будете изсохше.

И ныне:

Святым Духом всяка душа живится, и чистотою возвышается, светлеется Троическим Единством священнотайне.

Диакон: Вонмем.

Иерей: Мир всем.

Хор: И духови твоему.

Диакон: Премудрость! Прокимен…

Прокимны воскресные

Глас 1 Ныне воскресну, глаголет Господь, положуся во Спасение, не обинюся о нем.

Стих: Словеса Господня, словеса чиста.

Глас 2 Востани, Господи, Боже мой, повелением, имже заповедал еси, и сонм людей обыдет Тя.

Стих: Господи Боже мой, на Тя уповах, спаси мя.

Глас 3 Рцыте во языцех, яко Господь воцарися, ибо исправи вселенную, яже не подвижится.

Стих: Воспойте Господеви песнь нову, воспойте Господеви вся земля.

Глас 4 Воскресни, Господи, помози нам и избави нас имене Твоего ради.

Стих: Боже, ушима нашима услышахом, и отцы наши возвестиша нам.

Глас 5 Воскресни, Господи Боже мой, да вознесется рука Твоя, яко Ты царствуеши во веки.

Стих:

Глас 6 Господи, воздвигни силу Твою, и прииди во еже спасти нас.

Стих: Пасый Израиля вонми, наставляяй яко овча Иосифа.

Глас 7

Стих: Исповемся Тебе, Господи, всем сердцем моим, повем вся чудеса Твоя.

Глас 8 Воцарится Господь во век, Бог твой Сионе, в род и род.

Стих: Хвали душе моя Господа, восхвалю Господа в животе моем.

Пс 145:10, 1Б–2А

Диакон: Господу помолимся.

Хор: Господи, помилуй.

Иерей: Яко свят еси, Боже наш, и во святых почиваеши, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Диакон: второй прокимен:

В сякое дыхание да хвалит Господа.

Стих: Хвалите Бога во святых Его, хвалите Его в утвержении силы Его.

Диакон: И о сподобитися нам слышанию святаго Евангелия Господа Бога молим.

Хор: Господи, помилуй. (3 раза)

Диакон: Премудрость, прости, услышим святаго Евангелия.

Иерей: Мир всем.

Хор: И духови твоему.

Иерей: От (имярек) святаго Евангелия чтение.

Хор:

Диакон: Вонмем.

Чтение Евангелия

Хор: Слава Тебе, Господи, слава Тебе.

Воскресная песнь после Евангелия:

Хор: Воскресение Христово видевше, поклонимся Святому Господу Иисусу, единому безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся Святому Христову Воскресению: се бо прииде крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши.

Псалом 50 (В приходских храмах обычно не читается)

Чтец: Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

В воскресенье

Слава:

М олитвами Апостолов, Милостиве, очисти множества согрешений наших.

И ныне:

М олитвами Богородицы, Милостиве, очисти множества согрешений наших.

П омилуй мя, Боже, по велицей милости Твоей и по множеству щедрот Твоих очисти беззаконие мое.

В оскрес Иисус от гроба, якоже прорече, даде нам живот вечный и велию милость.

В праздники святых

Слава:

П о молитвам (Апостола, мученика, святителя: имя его), Милостивый, изгладь множество согрешений наших.

И ныне:

П о молитвам Богородицы: и Помилуй меня, Боже:

И стихира праздника, или воскресная.

[С недели о Мытаре и фарисее и до пятой недели Великого Поста, в воскресные дни, вместо «Молитвами апостолов…» и прочего поются покаянные тропари:

Слава:

П окаяния отверзи ми двери, Жизнодавче, утренюет бо дух мой ко храму святому Твоему, храм носяй телесный весь осквернен: но яко щедр, очисти благоутробною Твоею милостию.

И ныне:

Богородичен: На спасения стези настави мя, Богородице, студными бо окалях душу грехми, и в лености все житие мое иждих: но Твоими молитвами избави мя от всякия нечистоты.

П омилуй мя, Боже, по велицей милости Твоей, и по множеству щедрот Твоих, очисти беззаконие мое.

М ножества содеянных мною лютых помышляя окаянный, трепещу страшнаго дне суднаго: но надеяся на милость благоутробия Твоего, яко Давид вопию Ти: помилуй мя, Боже, по велицей Твоей милости.]

После целования Евангелия

Диакон: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами всепречистыя Владычицы нашея Богородицы и Приснодевы Марии, силою Честнаго и Животворящаго Креста, предстательствы честных Небесных Сил безплотных, честнаго, славнаго пророка, Предтечи и Крестителя Иоанна, святых славных и всехвальных Апостол, иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго, иже во святых отца нашего Николая, архиепископа Мирликийскаго, чудотворца, святых равноапостольных Мефодия и Кирилла, учителей словенских, святых равноапостольных великаго князя Владимира и великия княгини Ольги, иже во святых отец наших всея России чудотворцев, Михаила, Петра, Алексия, Ионы, Филиппа и Ермогена, святых, славных и добропобедных мучеников, преподобных и богоносных отец наших, святых и праведных богоотец Иоакима и Анны (и святаго имярек, егоже есть храм и егоже есть день), и всех святых. Молим Тя, многомилостиве Господи, услыши нас, грешных, молящихся Тебе, и помилуй нас.

Хор: Господи, помилуй. (12 раз) .

Иерей: Милостию и щедротами и человеколюбием единороднаго Твоего Сына, с Нимже благословен еси, со пресвятым, и благим, и животворящим Твоим Духом, ныне и присно, и во веки веков.

Хор: Аминь.

Читается канон.

По 3-й песни – малая ектения, кондак, икос, седален.

По 6-й песни ектения. Кондак, и икос. И чтение в Синаксарии.

По 8-й песни канона диакон: Богородицу и Матерь Света в песнех возвеличим.

Песнь Пресвятой Богородицы

1. В еличит душа Моя Господа и возрадовася дух Мой о Бозе Спасе Моем.

После каждого стиха:

2. Я ко призре на смирение рабы Своея, се бо, от ныне ублажат Мя вси роди.

3. Я ко сотвори Мне величие Сильный, и свято имя Его, и милость Его в роды родов боящимся Его.

4. С отвори державу мышцею Своею, расточи гордыя мыслию сердца их.

5. Н изложи сильныя со престол, и вознесе смиренныя, алчущия исполни благ, и богатящияся отпусти тщи.

6. В осприят Израиля отрока Своего, помянути милости, якоже глагола ко отцем нашим, Аврааму и семени его даже до века.

По 9-й песни, в воскресение – малая ектения.

Диакон: Паки и паки миром Господу помолимся.

Хор: Господи, помилуй. (на каждое прошение)

З аступи, спаси, помилуй и сохрани нас, Боже, Твоею благодатию.

П ресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Если не воскресение, «Достойно есть…» .

Диакон: Свят Господь Бог наш.

Хор: Свят Господь Бог наш. (На каждое возглашение)

Я ко свят Господь Бог наш.

Н ад всеми людьми Бог наш.

Светилен (Эксапостиларий) дня или праздника.

С о ученики взыдем на гору Галилейскую, верою Христа видети глаголюща, власть прияти вышних и нижних, научимся, како учит крещати, во имя Отца и Сына и Святаго Духа, языки вся, и пребывати с таинники якоже обещася, до скончания века.

Хвалитные псалмы (148 – 150)

Хор: Всякое дыхание да хвалит Господа. Хвалите Господа с небес, хвалите Его в вышних. Тебе подобает песнь Богу.

Х валите Его, вси Ангели Его, хвалите Его, вся Силы Его. Тебе подобает песнь Богу.

Чтец: псалом 148 : Хвалите Его, солнце и луна, хвалите Его, вся звезды и свет. Хвалите Его Небеса небес и вода, яже превыше небес. Да восхвалят имя Господне: яко Той рече, и быша, Той повеле, и создашася. Постави я в век и в век века, повеление положи, и не мимо идет. Хвалите Господа от земли, змиеве и вся бездны: огнь, град, снег, голоть, дух бурен, творящая слово Его, горы и вси холми, древа плодоносна и вси кедри, зверие и вси скоти, гади и птицы пернаты. Царие земстии и вси людие, князи и вси судии земстии, юноши и девы, старцы с юнотами да восхвалят имя Господне, яко вознесеся имя Того Единаго, исповедание Его на земли и на небеси. И вознесет рог людей Своих, песнь всем преподобным Его, сыновом Израилевым, людем, приближающымся Ему.

Чтец: псалом 149: Воспойте Господеви песнь нову, хваление Его в церкви преподобных. Да возвеселится Израиль о Сотворшем eго, и сынове Сиони возрадуются о Царе своем. Да восхвалят имя Его в лице, в тимпане и псалтири да поют Ему. Яко благоволит Господь в людех Своих, и вознесет кроткия во спасение. Восхвалятся преподобнии во славе и возрадуются на ложах своих. Возношения Божия в гортани их, и мечи обоюду остры в руках их: сотворити отмщение во языцех, обличения в людех, связати цари их путы, и славныя их ручными оковы железными.

Чтец: Сотворити в них суд написан.

Хор: Слава сия будет всем преподобным Его.

1 глас

Поем Твою, Христе, спасительную страсть и славим Твое Воскресение.

2 глас

Всякое дыхание и вся тварь Тя славит, Господи, яко Крестом смерть упразднил еси, да покажеши людем еже из мертвых Твое Воскресение, яко Един Человеколюбец.

3 глас

Приидите, вси языцы, уразумейте страшныя тайны силу: Христос бо Спас наш, Еже в начале Слово, распятся нас ради, и волею погребеся и воскресе из мертвых, еже спасти всяческая, Тому поклонимся.

4 глас

Крест претерпевый и смерть и воскресни из мертвых, Всесильне Господи, славим Твое Воскресение.

5 глас

Господи, запечатану гробу от беззаконников, пришел еси из гроба, якоже родился еси от Богородицы. Не уразумеша, како воплотился еси, безплотнии Твои Ангели; не чувствоваша, когда воскресл еси, стрегущии Тя воини. Обоя бо запечатлестася испытующим, явишася же чудеса кланяющымся верою таинству, еже воспевающым, воздаждь нам радость и велию милость.

6 глас

Крест Твой, Господи, жизнь и воскресение людем Твоим есть, и надеющеся нань. Тебе, Воскресшаго Бога нашего, поем: помилуй нас.

7 глас

Воскресе Христос из мертвых, разрушь смертныя узы; благовести, земле, радость велию, пойте, небеса, Божию славу.

8 глас

Господи, аще и судилищу предстал еси от Пилата судимый, но не отступил еси от Престола со Отцем седя, и воскрес из мертвых, мир свободил еси от работы чуждаго, яко Щедр и Человеколюбец.

Хор: Крест Твой, Господи, жизнь и воскресение людем Твоим есть, и надеющеся нань, Тебе, Воскресшаго Бога нашего, поем: помилуй нас.

Чтец: (псалом 150-й): Хвалите Бога во святых Его!

Хор: Хвалите Его во утверждении силы Его!

П огребение Твое, Владыко, рай отверзе роду человеческому: и от истления избавльшеся, Тебе, Воскресшаго Бога нашего, поем: помилуй нас!

Чтец: Хвалите Его на силах Ero!

Хор: Хвалите Его по множеству величествия Его!

С о Отцем и Духом Христа воспоим Воскресшаго из мертвых и к Нему вопиим: Ты живот еси наш и воскресение: помилуй нас!

Чтец: Хвалите Его во гласе трубнем.

Хор: Хвалите Его во струнах и органе!

Т ридневен воскресл еси, Христе, от гроба, якоже писано есть, совоздвигнув праотца нашего. Тем же и Тя славит род человеческий и воспевает Твое воскресение.

Х валите Его в тимпане и лице, хвалите Его во струнах и органе.

Х валите Его в кимвалех доброгласных, хвалите Его в кимвалех восклицания. Всякое дыхание да хвалит Господа.

Стихи к воскресным стихирам.

Стих: Воскресни, Господи Боже мой, да вознесется рука Твоя, не забуди убогих Твоих до конца.

Стих: Исповемся Тебе, Господи, всем сердцем моим, повем вся чудеса Твоя.

Слава:

Стихира Евангельская.

И ныне:

Богородичен, глас 2:

Хор: Преблагословена еси, Богородице Дево, Воплощшим бо ся из Тебе ад пленися, Адам воззвася, клятва потребися, Ева свободися, смерть умертвися, и мы ожихом. Тем воспевающе вопием: благословен Христос Бог, благоволивый тако, слава Тебе.

Иерей: Слава Тебе, показавшему нам свет.

Славословие великое

Хор: Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя великия ради славы Твоея. Господи, Царю Небесный, Боже, Отче Вседержителю, Господи Сыне Единородный, Иисусе Христе, и Святый Душе. Господи Боже, Агнче Божий, Сыне Отечь, вземляй грех мира, помилуй нас. Вземляй грехи мира, приими молитву нашу. Седяй одесную Отца, помилуй нас. Яко Ты еси Един Свят; Ты еси Един Господь, Иисус Христос, в славу Бога Отца, аминь.

На всяк день благословлю Тя и восхвалю имя Твое во веки, и в век века. Сподоби, Господи, в день сей без греха сохранитися нам. Благословен еси, Господи Боже отец наших, и хвально и прославлено имя Твое во веки, аминь.

Буди, Господи, милость Твоя на нас, якоже уповахом на Тя.

Благословен еси, Господи, научи мя оправданием Твоим. (3 раза)

Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе. Господи, к Тебе прибегох, научи мя творити волю Твою, яко Ты еси Бог мой, яко у Тебе источник живота, во свете Твоем узрим свет. Пробави милость Твою ведущим Тя.

С вятый Боже, Святый Крепкий, Святый Безсмертный, помилуй нас. (3 раза)

С лава Отцу и Сыну и Святому Духу, и ныне и присно и во веки веков, аминь.

С вятый Безсмертный, помилуй нас.

Таже высочайшим гласом: Святый Боже, Святый Крепкий, Святый Безсмертный, помилуй нас.

Тропарь праздника.

Слава: и ныне:

Богородичен.

В воскресенье тропари

Глас 1, 3, 5, 7

Днесь спасение миру бысть, поем Воскресшему из гроба, и Начальнику жизни нашея: разрушив бо смертию смерть, победу даде нам и велию милость.

Глас 2, 4, 6, 8

Воскрес из гроба и узы растерзал еси ада, разрушил еси осуждение смерти, Господи, вся от сетей врага избавивый; явивый же Себе апостолом Твоим, послал еси я на проповедь, и теми мир Твой подал еси вселенней, Едине Многомилостиве.

Ектения сугубая

Диакон: Помилуй нас, Боже, по велицей милости Твоей, молим Ти ся, услыши, и помилуй.

Хор: Господи, помилуй. (3 раза на каждое прошение) .

Е ще молимся о Великом Господине и отце нашем, Святейшем Патриархе (имярек) , и о господине нашем преосвященнейшем митрополите (или архиепископе, или епископе) (имярек) , и о всей во Христе братии нашей.

Е ще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Е ще молимся о блаженных и приснопамятных создателех святаго храма сего , и о всех преждепочивших отцех и братиях, зде лежащих и повсюду православных.

Е ще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего (если в монастыре: святыя обители сея) .

Е ще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Иерей: Яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Ектения просительная

Диакон: Исполним утреннюю молитву нашу Господеви.

Хор: Господи, помилуй. (На каждое прошение)

З аступи, спаси, помилуй и сохрани нас, Боже, Твоею благодатию.

Д не всего совершенна, свята, мирна и безгрешна, у Господа просим.

Хор: Подай, Господи. (На каждое прошениие)

А нгела мирна, верна наставника, хранителя душ и телес наших, у Господа просим.

П рощения и оставления грехов и прегрешений наших, у Господа просим.

Д обрых и полезных душам нашим, и мира мирови, у Господа просим.

П рочее время живота нашего в мире и покаянии скончати, у Господа просим.

Х ристианския кончины живота нашего, безболезнены, непостыдны, мирны и добраго ответа на страшнем судищи Христове просим.

П ресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Иерей: Яко Бог милости, щедрот и человеколюбия еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Иерей: Мир всем.

Хор: И духови твоему.

Диакон: Главы наша Господеви приклоним.

Хор: Тебе, Господи.

Иерей: Молитва главопреклонения (Читается тайно):

Господи святый, в вышних живый, и на смиренныя призираяй, и всевидящим оком Твоим призираяй на всю тварь, Тебе приклонихом выю сердца и телесе, и молимся Тебе: простри руку Твою невидимую от святаго жилища Твоего, и благослови вся ны. И аще что согрешихом, волею или неволею, яко благ и человеколюбец Бог прости, даруя нам мирная и премирная благая Твоя.

Иерей: Твое бо есть еже миловати и спасати ны, Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Диакон: Премудрость.

Хор: Благослови.

Иерей: Сый благословен Христос, Бог наш, всегда, ныне и присно, и во веки веков.

Хор: Аминь. Утверди, Боже, святую православную веру, православных христиан во век века.

Иерей: Пресвятая Богородице, спаси нас.

Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Иерей: Слава Тебе, Христе Боже, упование наше, слава Тебе.

Хор: Слава, и ныне: Господи, помилуй, трижды. Благослови.

В день св. Пятидесятницы воспоминается и прославляется сошествие Святого Духа на апостолов в виде огненных языков. Название Пятидесятницы этот праздник получил потому, что он приходится на 50-й день после Воскресения Христова. Сошествие Святого Духа на апостолов есть «свершение» нового, вечного Завета Бога с человеком. Предпраздства этот праздник не имеет.

История праздника . Праздник Пятидесятницы установлен самими апостолами. По сошествии Святого Духа апостолы ежегодно праздновали день Пятидесятницы и заповедали воспоминать его всем христианам. Уже в Постановлениях Апостольских есть прямая заповедь праздновать св. Пятидесятницу. Праздник Пятидесятницы, под названием дня Святого Духа, с самых первых времен христианства, праздновался Церковью торжественно. Особенную торжественность ему придавал обычай древней Церкви совершать в этот день крещение оглашенных (отсюда пение на литургии «Елицы во Христа крестистеся...»). В IV веке были составлены св. Василием Великим особые молитвы, читаемые до сих пор на вечерне. В VIII веке св. Иоанн Дамаскин и св. Косма Маиумский составили в честь праздника многие песнопения, которые и теперь поет Церковь.

Уставные особенности богослужения . На великой вечерни, среди стиховных стихир, впервые после Великой Субботы поется стихира: «Царю Небесный...» (она же поется на утрени, по 50-м псалме, и на хвалитех, на «И ныне). По «Ныне отпущаеши», на «Бог Господь» и в конце утрени – тропарь праздника, глас 8-й: «Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную, Человеколюбче, слава Тебе».

На утрени, по полиелее, величание: «Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим». Прокимен: «Дух Твой благий наставит мя на землю праву». Стих: «Господи, услыши молитву мою...». Евангелие от Иоанна, зач. 65-е.

«Воскресение Христово видевше...» – не поется.

Канонов два: Космы Маиумского «Понтом покры» и Иоанна Дамаскина «Божественным покровен...». К тропарям припев: «Пресвятая Троице, Боже наш, слава Тебе». Катавасия – ирмосы второго канона. По 3-й песни – седален праздника, по 6-й песни – кондак, гл. 8: «Егда снизшел, языки слия, разделяше языки Вышний: егда же огненныя языки раздаяше, в соединение вел призва, и согласно славим Всесвятаго Духа» и икос. На 9-й песни вместо «Честнейшую» поется припев: «Апостолы сошествие Утешителя зряще удивишася, како в виде огненных язык явися Дух Святый». И затем – ирмос 1-го канона. Этот же припев поется и ко всем тропарям обоих канонов. Катавасия поется второго канона: «Радуйся Царице, матеродевственная славо: всяка бо удобообращательная благоглаголивая уста витействовати не могут Тебе пети достойно: изумевает же ум всяк Твое Рождество разумети. Темже Тя согласно славим». Этот же ирмос служит вместо «Достойно» на литургии. «Свят Господь Бог наш» не поется.


На литургии – антифоны праздника. Входный стих: «Вознесися, Господи, силою Твоею, воспоим и поем силы Твоя». Вместо Трисвятого поется «Елицы во Христа крестистеся». Прокимен: «Во всю землю изыде вещание их...» (Этот прокимен поется до отдания – см. Типикон). Апостол Деян., зач. 3. Евангелие от Иоанна, зач. 27-е. Причастен: «Дух Твой благий наставит мя на землю праву». Задостойник: «Радуйся, Царице...» (поется до отдания праздника).

В конце литургии, после возгласа: «Спаси, Боже, люди Твоя...», в первый раз после Великой Субботы поется: «Видехом свет истинный...». Отпуст праздничный (см.: Служебник).

К особенностям службы Пятидесятницы относится то, что великая вечерня в день Пятидесятницы обычно совершается сразу же после литургии. На вечерни к обычным прошениям великой ектении присоединяются особые прошения. Вход с кадилом и великий прокимен: «Кто Бог велий...». На вечерни читаются особые три молитвы св. Василия Великого с коленоприклонением; колена преклоняются впервые после Пасхи. Молитвы читаются в следующие моменты: первая – сразу же после великого прокимна: «Кто Бог велий...», вторая – после сугубой ектении: «Рцем вси...» и третья – после «Сподоби, Господи...». Священник читает молитвы на коленях в царских вратах, лицом к народу. После каждой молитвы бывает сокращенная малая ектения, начинающаяся прошением: «Заступи, спаси, помилуй, возстави и сохрани нас, Боже, Твоею благодатию». После молитв – просительная ектения: «Исполним вечернюю...» стиховные стихиры и обычное окончание вечерни. Отпуст на вечерни – особый.

ДЕНЬ СВЯТОГО ДУХА («Духов день»). Песнопения в этот день те же, что и в Пятидесятницу, только на малом повечерии поется канон Святому Духу.

Всенощного бдения на день Святого Духа, по Уставу, не полагается, но в практике в этот день совершается служба, как в день святой Пятидесятницы. На утрени полиелея нет. «Честнейшую» не поется (поется ирмос 9-й песни). В конце утрени – великое славословие. На литургии поются изобразительны. Произносится входной стих, как в день Пятидесятницы, но вместо «Елицы...» – «Святый Боже...». Отпуст – дня Пятидесятницы.

Попразднство Пятидесятницы – 6 дней. Отдание праздника бывает в следующую субботу. На литургии (до отдания праздника) по входе: «Приидите, поклонимся... Спаси ны, Утешителю Благий, поющия Ти: Аллилуиа».

Седмица по Пятидесятнице сплошная: пост в среду и пятницу отменяется. Такое разрешение поста установлено Церковью в честь Святого Духа и семи Его даров.

К особенностям службы Пятидесятницы относится то, что сразу же после Литургии совершается великая вечерня. На ней читаются три молитвы святителя Василия Великого с коленопреклонением , на этой вечерне встают на колени впервые после Пасхи.

Молитвы коленопреклонения на вечерне Пятидесятницы имеют огромное символическое значение. Они введены в богослужение для того, чтобы сохранить и укрепить верующих в смиренном состоянии, сделать их способными, по примеру апостолов, к принятию бесценных даров благодати Божией.

В первой из них - «Пречисте, нескверне, безначальне, невидиме, непостижиме, неизследиме », - возносимой Богу Отцу, верующие исповедуют свои грехи, испрашивают прощения их и благодатной небесной помощи против козней вражиих;

вторая - «Господи Иисусе Христе Боже наш, мир Твой подавый человеком » - представляет собой прошение дарования Духа Святого, наставляющего и укрепляющего в соблюдении заповедей Божиих для достижения богоугодной жизни;

в третьей молитве - «Приснотекущий, животный, и просветительный источниче », - обращенной к Сыну Божию, исполнившему все домостроительство спасения человеческого рода, Церковь молится об упокоении усопших.

Икона "Сошествие Святого Духа". Греция, между 1790-1840

Первая молитва

«Пречисте, нескверне, безначальне, невидиме непостижиме, неизследиме, непременне, непобедиме, неизчетне, незлобиве Господи, един имеяй безсмертие, во свете живый неприступном: сотворивый небо и землю, и море, и вся созданная на них, прежде еже просити, всем прошения подаваяй, Тебе молимся, и Тебе просим, Владыко Человеколюбче, Отца Господа и Бога и Спаса нашего Иисуса Христа, нас ради человеков, и нашего ради спасения сшедшаго с небес, и воплотившагося от Духа Святаго и Марии Приснодевы, и Преславныя Богородицы: Иже первее убо словесы уча, последи же и делы показуя, егда спасительную страсть претерпе, подаде нам подписание смиренным, и грешным, и недостойным рабом Твоим, мольбы приносити Тебе, в выи и колен преклонениих, о своих гресех, и о людских неведениих. Сам Многомилостиве и Человеколюбче, услыши ны, воньже аще день призовем Тя, изряднее же в день сей пятдесятный, воньже по Вознесении Господа нашего Иисуса Христа на небеса, и седении одесную Тебе Бога и Отца, низпосла Святаго Духа на святыя Своя ученики и апостолы, Иже и седе на едином коегождо их, и исполнишася вси неистощимыя благодати Его, и глаголаша языки иными величия Твоя, и прорекоша. Ныне убо молящихся Тебе услыши нас, и помяни нас смиренных и осужденных, и возврати пленение душ наших, Твое милование имея о нас молящееся. Приими нас припадающих Тебе, и вопиющих: согрешихом, к Тебе привержени есмы от утробы, от чрева матере нашея, Ты еси Бог наш. Но яко исчезоша в суете дние наши, обнажихомся Твоея помощи, лишихомся всякаго ответа, но дерзающе на щедроты Твоя, зовем: грехи юности нашея и неведения не помяни, и от тайных наших очисти нас, и не отрини нас во время старости, внегда оскудети крепости нашей: не остави нас, прежде даже нам в землю не возвратитися, сподоби к Тебе возвратитися, и вонми нам благоприятием и благодатию. Возмери беззакония наша щедротами Твоими, сопротив постави бездну щедрот Твоих множеству согрешений наших. Призри с высоты святыя Твоея Господи, на предстоящия люди Твоя, и чающия еже от Тебе богатыя милости. Посети нас благостию Твоею, избави нас от насильства диаволя: утверди живот наш святыми Твоими и священными законы. Ангела, верна хранителя пристави людем Твоим, всех собери в Твое Царствие. Даждь прощение уповающим на Тя: остави им и нам грехи. Очисти нас действом Святаго Твоего Духа: разруши яже на нас козни вражия».

К первой молитве присоединяется еще эта:
«Благословен еси Господи Владыко Вседержителю, просветивый день светом солнечным, и нощь уяснивый зарями огненными, долготу дневную преити нам сподобивый, и приближитися начатком нощи: услыши моления наша, и всех людей Твоих, и всем нам простив вольныя и невольныя грехи. Приими вечерняя наша моления, и низпосли множество милости Твоея, и щедроты Твоя на достояние Твое. Остени нас святыми ангелы Твоими, вооружи нас оружием правды Твоея, огради нас истиною Твоею, соблюди нас силою Твоею, избави нас от всякаго обстояния, всякаго навета сопротиволежащаго. Подаждь же нам и настоящий вечер, с приходящею нощию, совершен, свят мирен, безгрешен, безсоблазнен, безмечтанен, и вся дни живота нашего: молитвами святыя Богородицы, и всех святых от века Тебе благоугодивших».

Икона "Сошествие Святого Духа". Греция, между 1840-1870.

Вторая молитва

«Господи Иисусе Христе Боже наш, мир Твой подавый человеком, и Пресвятаго Духа дар, еще в житии и с нами сый, в наследие неотъемлемое верным присно подаваяй: явленнейше же сию благодать Твоим учеником и апостолом днесь низпославый, и сих устне огненными утвердивый языки: имиже весь род человеческий боговедение своим языком в слух уха приимше, светом Духа просветихомся, и прелести якоже тмы изменихомся, и чувственных и огненных язык раздаянием, и преестественным действом, еже в Тя веры научихомся, и Тебе богословити со Отцем и Святым Духом, во едином Божестве, и силе, и власти озарихомся. Ты убо Отчее сияние, существа и естества Его неизменное и недвижимое начертание, источниче премудрости: и благодати: отверзи и мне грешному устне, и научи мя, како достоит, и о ихже потреба молитися: Ты бо еси ведый многое грехов моих множество, но Твое благоутробие победит сих безмерное. Се бо страхом предстою Ти, в пучину милости Твоея отчаяние души моея поверг: окорми живот мой словом всю тварь неизреченною премудрости силою управляяй, тихое обуреваемых пристанище, и скажи ми путь, воньже пойду. Дух премудрости Твоея моим подаждь помышлением, Дух разума безумию моему даруяй, Духом страха Твоего моя осени дела, и Дух Правый обнови во утробе моей, и Духом Владычним мыслей моих поползновение утверди: да на всяк день Духом Твоим Благим к полезному наставляемь, сподоблюся творити заповеди Твоя, и Твое присно памятствовати славное пришествие, и истязательное содеянных нами. И да не презриши мя тленными сопрельщатися мира сего красными, но будущих восприятия желати укрепи сокровищ. Ты бо рекл еси Владыко: яко елика аще кто просит о Твоем имени, невозбранно приемлет от Твоего присносущнаго Бога и Отца. Темже и аз грешный в пришествии Святаго Твоего Духа, Твою молю благость, елика просих, воздаждь ми во спасение. Ей Господи, всякаго благодеяния богатый дателю, и подателю Благий, яко Ты еси подаваяй преизобильно ихже просим: Ты еси сострадателен и милостивый, Иже безгрешно быв плоти нашея общник, и приклоняющим к Тебе колена, приклоняяйся любоблагоутробне, очищение же быв грехов наших. Даждь убо Господи, людем Твоим щедроты Твоя: услыши нас с небесе святаго Твоего: освяти нас силою спасительныя десницы Твоея: покрый нас кровом крилу Твоею, да не презриши дел руку Твоею. Тебе единому согрешаем, но и Тебе единому служим. Не вемы кланятися богу чуждему, ниже простирати руки наша Владыко, к богу иному. Остави нам согрешения, и приим наша коленопоклонная моления, простри всем нам руку помощи, приими молитву всех яко кадило приятное, восприемлемое пред Твоим преблагим Царством».

К второй молитве присоединяется еще эта:
«Господи Господи, избавлей нас от всякия стрелы летящия во дни: Избави нас и от всякия вещи во тме преходящия. Приими жертву вечернюю рук наших воздеяния. Сподоби же нас и нощное поприще без порока прейти неискушены от злых: И избави нас от всякаго смущения и боязни, яже от диавола нам прибывающия. Даруй душам нашим умиление, и помыслом нашим попечение, еже на страшнем и праведнем Твоем суде испытания. Пригвозди страху Твоему плоти наша, и умертви уды наша сущия на земли: Да и сонным безмолвием просветимся, зрением судеб Твоих. Отыми же от нас всякое мечтание неподобное и похоть вредну. Возстави же нас во время молитвы утверждены в вере, и преспевающия в заповедех Твоих».

Икона "Сошествие святого Духа". Россия. XVI в. Новгород.

Третья молитва

«Приснотекущий, животный, и просветительный источниче, соприсносущная Отцу содетельная сило, все смотрение за спасение человеческое прекрасне исполнивый, Христе Боже наш, смерти узы неразрешимыя, и заклепы адовы расторгнувый, лукавых же духов множество поправый. Приведый Себе о нас непорочное заколение, и тело давый пречистое в жертву, всякаго греха неприкосновенное же и непроходное, и страшным сим, и неисповедимым священнодействием живот нам вечный даровавый: во ад сшедый, и вереи вечныя сокрушивый, и во тме седящим восход показавый: началозлобнаго же и глубиннаго змия богомудростным льщением уловивый, и веригами мрака связавый в тартаре и огни негасимом, и во тме кромешней неисчетносильною Твоею затвердивый крепостию, великоименитая Премудросте Отчая, напаствуемым великий помощник явивыйся, и просветивый седящия во тме и сени смертней. Ты славы присносущныя Господи, и Отца Вышняго Сыне возлюбленный, присносущный Свете от присносущнаго Света, Солнце правды, услыши нас молящихся Тебе, и упокой души рабов Твоих, прежде усопших отец и братий наших, и прочиих сродник по плоти, и всех своих в вере, о нихже и память творим ныне, яко в Тебе всех держава, и в руце Твоей содержиши вся концы земли. Владыко Вседержителю, Боже отец и Господи милости, рода смертнаго же и безсмертнаго, и всякаго естества человеческаго Содетелю, составляемаго же, и паки разрешаемаго, живота же и скончания, еже зде пребывания, и еже тамо преложения: лета измеряяй живым, и времена уставляяй смерти: низводяй во ад и возводяй: связуяй в немощи, и отпущаяй в силе: настоящая потребне строяй, и будущая полезно управляяй: смертным жалом уязвенных воскресения надеждами веселяяй. Сам убо Владыко всех, Боже Спасителю наш, надежде всех концев земли, и сущих в мори далече, Иже и в сей последний и великий спасительный день Пятдесятницы праздника, тайну Святыя и Единосущныя, и соприсносущныя, и неразделимыя, и неслиянныя Троицы показавый нам, и наитие и пришествие Святаго и Животворящаго Твоего Духа, в виде огненных языков на святыя Твоя апостолы излиявый, и благовестники тех поставивый, благочестивыя нашея веры, и исповедники и проповедники истиннаго богословия показавый: Иже и в сей всесовершенный и спасительный праздник, очищения убо молитвенная, о иже в аде держимых сподобивый приимати, великия же подаваяй нам надежды ослабления содержимым от содержащих я скверн, и утешению Тобою низпослатися. Услыши нас смиренных, и Твоих раб молящихся Ти, и упокой души рабов Твоих прежде усопших, на месте светле, на месте злачне, на месте прохлаждения: отонудуже отбеже всякая болезнь, печаль и воздыхание и учини духи их в селениях праведных, и мира и ослабления сподоби их: яко не мертвии восхвалят Тя Господи, ниже сущии во аде исповедание дерзнут принести Тебе: но мы живии благословим Тя и молим, и очистительныя молитвы и жертвы приносим Тебе о душах их».

К третьей молитве присоединяется еще эта:
«Боже великий, и вечный, Святый, человеколюбивый, сподобивый нас в сей час стати пред неприступною Твоею славою, на пение и хвалу чудес Твоих, очисти ны недостойныя рабы Твоя, и подаждь благодать еже сокрушенным сердцем, невозносительно приносити Тебе Трисвятое славословие, и благодарение великих Твоих даров, яже сотворил еси к нам, и твориши всегда в нас. Помяни Господи немощь нашу, и да не погубиши нас со беззаконии нашими: но сотвори великую милость со смирением нашим, да греховныя тмы избежавше, во дни правды ходити будем, и одеявшеся оружием света, ненаветно пребудем от всякия козни лукаваго, и со дерзновением прославим о всех, Тебе единаго истиннаго и Человеколюбца Бога. Твое бо яко воистинну и великое вресноту таинство, Владыко всех, и Творче, временное решение Твоих тварей, и еже по сих совокупление, и упокоение еже во веки: Тебе благодать о всех исповедуем, о входех наших, яже в мир сей, и исходех, надежды нам воскресения, и жизни нетленныя, Твоим неложным обещанием предобручают, яже приимем в будущем втором пришествии Твоем. Ты бо еси и воскресения нашего Начальник, и поживших неумытный и человеколюбивый Судия, и мздовоздаяния Владыка и Господь, Иже и приобщивыйся нам приискренно плоти и крове, снизхождения ради крайняго: и наша страсти неотметныя, внегда волею во искус поставити, приим за милосердие щедрот, и в немже пострадал еси Сам искусився, искушаемым нам быв самообещанный помощник: темже и совозвел еси нас в Твое безстрастие. Приими убо Владыко, мольбы и моления наша, и упокой вся отцы коегождо, и матери, и чада, и братию, и сестры единородныя, и купнородныя, и вся прежде почившия души: в надежди воскресения жизни вечныя учини духи их, и имена в книзе животней, в недрех Авраама, и Исаака, и Иакова, в стране живых, в Царствии Небеснем, в раи сладости, светлыми ангелы Твоими, вводя вся во святыя Твоя обители, совоздвизаяй и телеса наша в день, воньже определил еси по святым Твоим и неложным обетованием. Несть убо Господи, рабом Твоим смерть, исходящим нам от тела, и к Тебе Богу нашему приходящим, но преставление от печальнейших на полезнейшая, и сладостнейшая, и на упокоение и радость. Аще же и что согрешихом к Тебе, милостив буди нам же и тем, зане ниедин есть чист пред Тобою от скверн, ниже аще един день живота его есть, разве Ты точию един, на земли явивыйся безгрешный Господь наш Иисус Христос: Имже вси уповаем милость получити, и оставление грехов. Сего ради нам же и онем, яко Благ и Человеколюбец Бог, ослаби, остави, прости грехопадения наша, вольная и невольная, яже в ведении и не в ведении, предъявленная и забываемая: яже в деянии, яже в помышлении, яже в словеси, яже во всех наших житиях и движениих. И отшедшим убо свободу и ослабу даруй, нас же сущих зде благослови, конец благий и мирный даруя нам же и всем людем Твоим, и милости и человеколюбия утробу отверзаяй нам, на страшном и ужасном Твоем пришествии, и Царствия Твоего достойных нас сотвори».

К третьей молитве присоединяется еще одна:
«Боже Великий и Вышний, едине имеяй безсмертие, во свете живый неприступном, всю тварь мудростию создавый, разделивый посреде света, и посреде тмы: И солнце убо положивый во область дне, луну же и звезды во область нощи. Сподобивый нас грешных и в настоящий день предварити лице Твое во исповедании, и вечернюю Тебе службу принести. Сам Человеколюбче Господи, исправи молитву нашу, яко кадило пред Тобою, и приими ю в воню благоухания. Подаждь же нам настоящий вечер и приходящую нощь мирну: облецы ны оружием света, избави нас от страха нощнаго, и от всякия вещи во тме преходящия. И даруй нам сон, иже во упокоение немощи нашей даровал еси, от всякаго диавольскаго мечтания изменен. Ей Владыко всех благих подателю, яко да и на ложах наших умиляющеся воспомянем и в нощи пресвятое имя Твое. И поучением Твоих заповедей озаряеми, в радости душевной востанем к славословию Твоея благости, молитвы и моления Твоему благоутробию приносяще о своих гресех, и о всех людех Твоих: ихже молитвами Пресвятыя Богородицы, в милости посети».

Иконы в тексте с сайта: nsad.ru

Из года в год за вечерней праздника Троицы (по Уставу она совершается сразу после воскресной Литургии) мы слушаем коленопреклоненные молитвы святителя Василия Великого. Впервые после праздника Воскресения все церковное собрание молитвенно преклоняет колени пред Богом. Епископ или священник у открытых Царских врат читает длинные молитвы.

ЧИТАЙТЕ ТАКЖЕ:

Церковь возвышенными песнями и молитвами призывает молящихся достойно принять бесценные дары благодати Божией. Вечерня начинается молитвой «Царю Небесный», которой начинаются и другие богослужения. Но в настоящий день она имеет особенное значение для верующих, вспоминающих сошествие Святого Духа Утешителя.

На великой ектении диакон молится об «ожидающих благодати Святого Духа» и «преклоняющих сердца свои пред Господом и колена» и просит Бога, чтобы Он, «приняв коленопреклонения наши, как фимиам (ладан)», послал нам богатые милости Свои и небесную помощь. После ектении следуют стихиры на «Господи, воззвах», совершается вход с кадилом, поется «Свете Тихий» и возглашается прокимен: «Кто Бог велий, яко Бог наш, Ты еси Бог, творяй чудеса».

После этого священник и все молящиеся становятся на колени и сосредоточенно, с чувством сердечного сокрушения, просят Бога о своем духовном обновлении.

В это время храм становится той древней горницей, в которой на апостолов впервые сошел Святой Дух.

Праздник Пятидесятницы

После вознесения Иисуса Христа наступил десятый день: это был пятидесятый день после Воскресения Христова. У евреев тогда был великий праздник Пятидесятницы в память Синайского законодательства. Все апостолы, вместе с Божией Матерью и с другими учениками Христовыми и прочими верующими, единодушно находились в одной горнице в Иерусалиме. Был третий час дня, по еврейскому счету часов, т. е. по нашему – девятый час утра.

Вдруг сделался шум с неба, как бы от несущегося сильного ветра, и наполнил весь дом, где находились ученики Христовы. И явились огненные языки и почили (остановились) по одному на каждом из них. Все исполнились Духа Святого и стали славить Бога на разных языках, которых прежде не знали. Так Дух Святой, по обетованию Спасителя, сошёл на апостолов, в виде огненных языков, в знак того, что Он дал апостолам способность и силу для проповеди Христова учения всем народам; сошёл же в виде огня в знак того, что имеет силу опалять грехи и очищать, освящать и согревать души.

Образ Троицы в Свято-Троицком Ионинском монастыре

По случаю праздника Пятидесятницы, в Иерусалиме в это время было много евреев, пришедших из разных стран. Услышав шум, огромная толпа народа собралась около дома, где были ученики Христовы. Все в народе изумлялись и спрашивали друг друга: «Не все ли они галилеяне? Как же мы слышим каждый свой язык, в котором родились? Как они могут говорить нашими языками о великих делах Божиих?» И в недоумении говорили: «Они напились сладкого вина».

Тогда апостол Пётр, вставши вместе с прочими одиннадцатью апостолами, сказал, что они не пьяны, но что на них сошел Дух Святой, как это и было предсказано пророком Иоилем, и что Иисус Христос, Которого иудеи распяли, воскрес из мёртвых, вознёсся на небо и излил на них Святого Духа. Заканчивая проповедь об Иисусе Христе, апостол Пётр сказал: «Итак, твёрдо знай, весь народ израильский, что Бог послал Спасителем и Христом Сего Иисуса, Которого вы распяли».

Проповедь Петра так подействовала на слушавших её, что весьма многие уверовали в Иисуса Христа. Они стали спрашивать Петра и прочих апостолов: «Что нам делать, мужи братия?»

Пётр ответил им: «Покайтесь и креститесь во имя Иисуса Христа для прощения грехов; тогда и вы получите дар Святого Духа».

Уверовавшие во Христа охотно приняли крещение, таких оказалось в этот день около трёх тысяч человек. Таким образом начало устрояться на земле Царствие Божие, то есть святая Церковь Христова.

Икона Святой Троицы в Троицком Ионинском монастыре

Со дня сошествия Святого Духа вера христианская стала быстро распространяться, при помощи Божией; число верующих в Господа Иисуса Христа день ото дня увеличивалось. Научаемые Святым Духом, апостолы смело проповедовали всем об Иисусе Христе, Сыне Божием, о Его страданиях за нас и воскресении из мёртвых. Господь помогал им великими многочисленными чудесами, которые совершались через апостолов именем Господа Иисуса Христа. Первоначально апостолы проповедовали евреям, а потом разошлись по разным странам для проповеди всем народам. Для совершения таинств и проповедания учения христианского, апостолы поставляли через рукоположение епископов, пресвитеров (священников, иначе иереев) и диаконов.

Та благодать Святого Духа, которая была явно преподана апостолам, в виде огненных языков, теперь подаётся в нашей Святой Православной Церкви невидимо – в её святых таинствах, через преемников апостолов – пастырей Церкви: епископов и священников. Этот день считается днём рождения Новозаветной Церкви и торжественно празднуется с древнейших времен.

Текст службы Святой Троицы, или Пятидесятницы (Всенощная, Литургия, Вечерня коленопреклонения), составлен обществом им. М.Н.Скабаллановича и печатается по благословению Почетного председателя общества, наместника Киевского Троицкого Ионинского монастыря епископа Обуховского Ионы.

Подготовлено специально для Ионинского монастыря, но содержит все песнопения и последования службы. Приводится на церковнославянском языке с параллельным переводом на русский и изъяснением.